Data e shpalljes së zgjedhjeve nuk duhet të vonohet, por të caktohet sa më parë për shkak të mos vonesës së formimit të institucioneve.
Kështu tha Eugen Cakolli nga Insituti Demokratik i Kosovës (KDI) në një prononcim për arbresh.info
“Bazuar në aktgjykimin e Gjykatës, të paktën në formën siç është publikuar i bie se zgjedhjet do të duhen të shpallen dhe të mbahen brenda 40 ditëve, që nga dita e shpalljes së zgjedhjeve. Dhe duke marrë parasysh aktgjykimet e kaluara lidhur me çështjet e funksionimit të institucioneve gjykata në shumë raste ka konkluduar se çështjet që kanë të bëjnë me formimin e institucioneve duhet të interpretohen në atë mënyrë që garantojnë formim të shpejtë dhe pa vonesa të institucioneve”, ka thënë Cakolli.
Sipas tij, u.d e presidentit në caktimin e datës së zgjedhjeve duhet të ofroj afat optimal edhe KQZ-së për organizim dhe administrim të zgjedhjeve.
“Konsideroj që po sa palëve të ju dorëzohet aktgjykimi i plotë nga ana e Gjykatës Kushtetuese e që nuk besoj që duhet të marr kohë, duhet që u.d menjëherë të shpallë ditën e zgjedhjeve e cila duhet të garantoj që në radhë të parë ka afat optimal për KQZ-në për organizimin dhe administrimin e zgjedhjeve, mirëpo që edhe të mos shkohet në afate maksimale, në mënyrë që të mos rrezikohet organizimi i tyre”, ka thënë Cakolli.
Kjo sipas, Eugen Cakollit nga Instituti Demokratik i Kosovës (KDI).
Ai në një prononcim për arbesh.info tha se Kushtetuta po ashtu e njeh rolin e kryetarit të Kuvendit deri në legjislaturën e ardhshme.
“U.d të presidentit, Vjosa Osmani, konsideroj që pikërisht afati 6 mujor në të cilin ka të drejtë ajo ta ushtroj mandatin lidhet pikërisht me vazhdimësinë e institucioneve dhe në rast të shkuarjes në zgjedhje të jashtëzakonshme. Në këtë drejtim fakti që Kushtetuta njeh rolin e kryetarit të Kuvendit deri në formimin e legjislaturë së ardhshme, ndonëse të një niveli teknik të organizimit të seancës, sërish fakti që kryetari i Kuvendit vazhdon ta ushtroj atë mandat është treguese se zonja Osmani është me kompetencë të plotë deri në zgjedhjen e presidentit të ri nga ana e legjislaturës së re, që besoj do të jetë obligim i tyre parësor”, tha Cakolli.
Kujtojmë se Gjykata Kushtetuese e shpalli të pavlefshme votën e deputetit Etem Arifi për Qeverinë Hoti, kështu duke e çuar vendin në zgjedhje./Arbresh.info/
Ambasada Amerikane u bën thirrje partive politike të respektojnë vendimin e Kushtetutës
Ky është vendimi i plotë i Gjykatës Kushtetuese që e çon vendin në zgjedhje
PDK: Qeveria Hoti dhe Kurti më të dobëtat në historinë e demokracisë së re të Kosovës
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...